Menjëherë pas mbylljes së afatit kalimtar të verës, Real Madrid ka filluar të etiketojë lojtarët që potencialisht do të mund t’i transferojnë verën e ardhshme.
Sipas mediumit spanjoll, Diario AS, Rodri do të jetë objektivi kryesor i madrilenëve për verën e ardhshme.
Ai ka kontratë deri në vitin 2027, dhe Carlo Ancelotti po ëndërron ta ketë në skuadër mesfushorin spanjoll.
Deri më tani, City kanë nuk ka filluar bisedimet për vazhdimin e kontratës, dhe me Toni Kroos tani të pensionuar, Real Madrid po kërkon ta përmbushë boshllëkun që ka lënë gjermani.
Rodri thuhet se është i tundur nga oferta për t’u rikthyer sërish në qytetin e tij të lindjes, derisa City njihet për politikën e saj e cila nuk i ndalon futbollistët kur dëshirojnë të largohen.
Ndryshe, Rodri është pjesë e skuadrës angleze që nga viti 2019, kur u transferua nga Atletico Madrid për 70 milionë euro.
