Sulmuesi shqiptar, Rey Manaj ka mbyllur aventurën e tij me skuadrën turke, Sivasspor pas një viti të jashtëzakonshëm.

Pas ndeshjes së fundit ndaj Kayserispor ku luajti sërish titular dhe ishte kapiten i Sivassporit, sulmuesi shqiptar, përmes një postimi në rrjetet sociale bëri të qartë largimin e tij.

“Ju dua Sivas. Do të mbeteni gjithmonë në zemrën time. Faleminderit për gjithçka”, shkroi Manaj në rrjetet sociale.

27-vjeçari luajti 33 ndeshje në kampionat, duke shënuar 18 gola dhe asistoi në tre të tjerë.

E ardhmja e tij me shumë gjasë do të jetë në Serie A, aty ku shumë klube janë të interesuar për shërbimet e tij./GazetaPuls