Policia e Kosovës ka dhënë detaje të reja lidhur me arrestimin e mësimdhënëses në Pejë.

E njëjta dyshohet se ka kryer veprën penale “mashtrim”.

Bëhet e ditur se e dyshuara gjatë periudhës kohore 2022/2024 në cilësinë e menaxheres së një OJQ-e, duke mashtruar persona të ndryshëm ka përfituar para në mënyrë të kundërligjshme.

“Drejtoria për Hetimin e Krimeve Ekonomike me urdhër nga  Gjykata Themelore, kanë kontrolluar shtëpinë dhe objektet përcjellëse të të dyshuarës femër kosovare, nën dyshimin e bazuar se e dyshuara ka kryer veprën penale ‘mashtrim’. E dyshuara gjatë periudhës kohore 2022/2024 në cilësinë e menaxheres së një OJQ-e, dyshohet se duke mashtruar persona të ndryshëm ka përfituar para në mënyrë të kundërligjshme. Policia ka kryer kontrolle ne objektet e të dyshuarës dhe ka konfiskuar dëshmi që lidhen me rastin. E dyshuara është arrestuar dhe pas intervistimit me vendim të prokurorit është dërguar në mbajtje”, thuhet në raport.