Policia e Kosovës është deklaruar në lidhje me arrestimin e sotëm të dy politikanëve serbë në veri.

Sipas njoftimit, të njëjtit kishin filluar të pengonin punëtorët të cilët ishin të kontraktuar dhe të angazhuar nga autoriteti kompetente për të pastruar disa grafite me mbishkrime nacionaliste, që krijojnë nxitje dhe urrejtje si “severna brigada” etj.

Më tej, thuhet se personat në fjalë janë paralajmëruar disa herë që të mos pengojnë punën dhe ët largohen, por ata kanë vazhduar duke nxitur më pas tensione.

“Personat në fjalë janë paralajmëruar disa herë që të mos pengojnë punën dhe të largohen, mirëpo të njëjtit kanë vazhduar duke penguar dhe duke mos lejuar realizimin e punimeve, si dhe kanë provokuar dhe kanë nxitur tensione.Njësitet policore relevante, me qëllim të qetësimit të situatës dhe krijimit të mundësive për punë, janë detyruar të veprojnë dhe kanë shoqëruar në stacion policor për intervistim dy persona”, thuhet tutjr./TelegramNews./