Një person ka raportuar në Polici se një plumb e ka goditur veturën e tij që ishte në oborr në fshatin Korreticë e Epërme të Gllogocit.
Në raportin 24 orësh të Policisë bëhet e ditur se në vendin e ngjarjes Policia ka sekuestruar një predhë të fishekut të armës së zjarrit.
“Viktima mashkull kosovar ka raportuar se derisa kishte qenë në oborrin e tij kishte dëgjuar një zhurmë dhe e kishte vërejtur se një predhë e armës së zjarrit kishte goditur dhe thyer xhamin e pasëm të veturës së tij. Njësiti policor ka dalë në vendin e ngjarjes ku ka gjetur dhe sekuestruar një predhë të fishekut të armës së zjarrit. Rasti nën hetime”, thuhet në njoftim. /TelegramNews.com.