Presidentja e Kosovës, Vjosa Osmani ka pritur sot një pjesë të delegatëve pjesëmarrës të Deklaratës së 2 Korrikut, shkruan Telegrami.

Osmani në Facebook shpërndau disa fotografi nga ky takim, derisa theksoi se Deklarata Kushtetuese e 2 Korrikut të vitit 1990 ishte pikënisje drejt realizimit të idesë së kahmotshme për Kosovën shtet të pavarur.

“Deklarata Kushtetuese e 2 Korrikut të vitit 1990 ishte pikënisje drejt realizimit të idesë së kahmotshme për Kosovën shtet të pavarur. Sot, në këtë përvjetor, pata nderin t’i takoj një pjesë të delegatëve të asaj kohe, guximi dhe vendosmëria e të cilëve shënuan një akt historik, me të cilin u vendosën themelet për realitetin e sotëm- Republikën e pavarur dhe sovrane të Kosovës”, tha Osmani.