Presidentja e Kosovës, Vjosa Osmani, ka publikuar pamje nga takimi i djeshëm me Presidentin e Francës, Emmanuel Macron.

Përmes një postimi në Facebook, Osmani zbuloi se me Macronin ka diskutuar mbi rëndësinë e ecjes përpara drejt integrimit të plotë të Kosovës në strukturat euroatlantike.

“Dje, me Presidentin Macron, diskutuam mbi rëndësinë e ecjes përpara drejt integrimit të plotë të Kosovës në strukturat euroatlantike, në partneritet me aleatët tanë dhe në dobi të të gjithë qytetarëve tanë, pa dallim”, ka shkruar e para e shtetit të Kosovës.

Takimi i dy presidentëve u bë në kuadër të Samitit të Komunitetit Politik Evropian i cili u mbajt në Britani.