Presidentja Vjosa Osmani ka reaguar ndaj vendimit të Këshillit të BE-së për lejimin e qarkullimit pa viza për qytetarët me pasaporta të jashtëligjshme serbe.

Ajo shpreh shqetësimin se Republika e Kosovës nuk merr përgjegjësi për shkeljet që mund të bëhen nga bartësit e këtyre dokumenteve.

Osmani gjithashtu argumenton se ky vendim i BE-së saboton procesin e integrimit të komunitetit serb në Kosovë, duke ndikuar negativisht në sundimin e ligjit në vend dhe në sigurinë në BE.

Ajo gjithashtu kundërshton mbështetjen e BE-së për strukturat ilegale të Serbisë në Kosovë, duke e cilësuar këtë në kundërshtim me Kushtetutën dhe ligjet e Kosovës, si dhe standardet e BE-së.

Osmani thekson se Kosova nuk është konsultuar për këtë vendim dhe ka dërguar argumente për dëmin që ky vendim sjell për vendin.