Presidentja Vjosa Osmani ka zhvilluar një takim të rëndësishëm në Zvicër me Jake Sullivan, Këshilltarin për Siguri Kombëtare të Presidentit Biden.

Ajo ndau disa foto nga takimi dhe e cilësoi si të rëndësishëm në një postim në Facebook.

Osmani shkoi në Zvicër për të marrë pjesë në një samit paqeje për Ukrainën.

“Një takim i rëndësishëm me Këshilltarin për Siguri Kombëtare të Presidentit Biden, z. Jake Sullivan, dhe Ambasadorin Michael Carpenter- Drejtor i Lartë për Evropë në Këshillin për Siguri të Shtëpisë së Bardhë, mbi rolin jetik të Shteteve të Bashkuara për paqe dhe siguri të qëndrueshme si dhe për rëndësinë e rritjes së bashkëpunimit tonë.🇽🇰🇺🇸”, shkroi Osmani në Facebook. /Telegrami/