jë numër i madh policësh janë në terren pasi një avion pasagjerësh me 64 persona u përplas me një helikopter ushtarak “Black Hawk” në Washington. Siç raportojnë mediat e huaja, shërbimet e urgjencës po kërkojnë lumin Potomak, ku avioni u rrëzua.
Ekipet e kërkim-shpëtimit siç raportohet tashmë kanë nxjerrë e para të viktimave që vdiqën në përplasjen fatale.
Nuk ka ende ndonjë konfirmim zyrtar për numrin e të vdekurve.
American Eagle Flight 5342, i cili ishte po vinte nga Wichita, Kansas, mbante 60 pasagjerë dhe katër anëtarë të ekuipazhit, tha American Airlines. Në helikopterin Black Hawk kishte tre persona, konfirmoi kryebashkiakja e Washingtonit, Muriel Bowser.
Avioni u përplas në ajër pranë Aeroportit Kombëtar të Washingtonit dhe u zhyt në lumin Potomac.
Dhjetëra oficerë policie, ambulanca dhe ekipe shpëtimi ndodhen në lumë.
John Donnelly, shefi i departamentit të zjarrfikësve dhe shërbimeve të urgjencës në Uashington DC, thotë se ky është një operacion shumë kompleks dhe “kushtet atje janë jashtëzakonisht të vështira”.
“Ka erë. Ka copa akulli në ujë… Dhe për shkak se nuk ka shumë dritë, ju jeni atje jashtë duke kërkuar çdo centimetër katror të hapësirës,” thotë ai. “Këto janë kushte shumë të vështira për [shpëtuesit] për t’u zhytur,” shton ai.
Donnelly thotë se ndërsa prioriteti i parë i reaguesve të parë është të kërkojnë të mbijetuar, ata gjithashtu do të punojnë me Bordin Kombëtar të Sigurisë së Transportit për të ndihmuar në ruajtjen e provave.
Në rrjete sociale është shfaqur një video e përplasjes, ndërsa video është transmetuar edhe nga disa media.
Presidenti amerikan Donald Trump tha se përplasja në ajër midis një helikopteri të ushtrisë amerikane dhe aeroplanit të pasagjerëve të American Airlines është një “situatë e keqe që duket se duhej të ishte parandaluar”.
Ai tha se aeroplani i pasagjerëve po fluturonte normalisht ndërsa po i afrohej aeroportit “Ronald Regan” në Washinton.
“Helikopteri po shkonte drejt në aeroplan për një periudhë të gjatë kohore. Është natë e kthjellët, dritat në aeroplan po flakëronin, pse helikopteri nuk u ngjit, as u ul, as u kthye. Pse kulla e kontrollit nuk i tha helikopterit se çfarë të bënte në vend që të pyeste nëse e panë aeroplanin”, shkroi Trump në platformën e tij “Truth Social”.
“Kjo është një situatë e keqe që duket se është dashur të parandalohet. JO MIRË!!!”, shtoi presidenti.
