Brenard Nikaj, i cili është kandidat për deputet nga radhët e PDK-së ka thënë se PDK e ka kombinimin më të mirë të një trioje, të kandidatit, të programit dhe të një liste e cila e mishëron një vizion, një program të ofruar nga Bedri Hamza.
Nikaj i cili ishte i ftuar në Pressing ka thënë tutje se ai lista e PDK-së ngërthen në vete etapat e PDK-së, profesionalizimin e kandidatëve për ta zbatuar këtë program, qoftë në Kuvend, qoftë në Qeveri.
“PDK e ka kombinimin më të mirë të një trioje, të kandidatit, të programit dhe të një liste e cila e mishëron një vizion, një program të ofruar nga Bedri Hamza. Atë që çdo parti mund ta bëjë është të ofrojë një kandidat i cili është i dëshmuar, i cili është kompetent dhe i cili ka vizion për një të ardhme më të mirë të vendit të vet, dhe ky kandidat të ketë një program i cili është i zbatueshëm, dhe i kontribuon vizionit, në këtë rast vizionit të Bedri Hamzës dhe të këtë një listë të kandidatëve për deputet, e cila ngërthen në vete etapat e PDK-së, profesionalizimin e kandidatëve për ta zbatuar këtë program, qoftë në kuvend qoftë në Qeveri“, u shpreh Nikaj në Pressing.
