Avokati Skender Musa ka folur për skandalin e rezervave shtetërore, ku tashmë janë duke u intervistuar disa persona.

Ai ishte i ftuar në emisionin Raport të Kanal 10 ku ka folur edhe për situatën e intervistimit të Dejona Mihalit nga prokuroria dhe ndikimit të saj në këtë Qeveri.

“Unë nuk e di se si mund që dikush nga jashtë të ndërhyjë në Qeveri, dhe ti udhëzojë dikush pa pas kontratë të punës me këtë qeveri është shkelje e rendit kushtetues i Kosovës. Me cilin ligj asaj i sigurohet e drejta nga që të ndërhyja nga jashtë, e njëjta frymë ka qenë edhe kur e kemi parë RTSH, kënaqësi kur Enver Hoxha erdhi në Sarandë, apo diçka e tillë dhe kjo është jashtëzakonisht e rrezikshme, sepse Kosova në bazë të kushtetutës institucionet i ka të përcaktuara saktë dhe nuk lejon ndërhyrje të tjera,  ne jemi shtet demokratik nuk jemi republike socialiste, monarki, por thjesht jemi republikë parlamentare, sepse nuk lejohet që ministrat të marrin këshilla prej ekipeve që nuk punojnë brenda objekteve qeveritare me kontrata dhe me marrëdhënia të krijuara të punës në zyrat e qeverisë”, u shpreh Musa.