Anëtari i Lidhjes Demokratike të Ksoovës, Berat Rukiqi, e ka vlerësuar të frikshme dhe kriminale kontrollin që e pushtetshmja e Vetëvendosjes, Dejona Mihali, ushtronte mbi ish-Kryeshefin e KEK-ut, Nagip Krasniqi, pas mesazheve mes tyre që u publikuan.

Në një postim në Facebook, Rukiqi tha se duhet të paramendojnë të gjithë kur një person vendos se kur të ketë rrymë e deri te secili tender

“E frikshme dhe kriminale, ndikimi i strukturës parapolitike, e ngjashme me karaktere si Keyser Soze ne Usual Supsects, në kontrollin e secilit dhe çdo gjëje, në rrjetin e mirë organizuar të tyre në çdo cep të qeverisjes, në çdo ndërmarrje publike, në çdo zyrtarë të emëruar nga ta, me kapelë dhe pa kapelë.
Paramendone secili veten, në universin e qeverisjes së tyre parapolitike, ku një person vendos kur duhet të kemi rrymë, në sa ora duhet të kthehet një email, e deri të secili punësim dhe tender”, ka shkruar Rukiqi.