Reperi i njohur, Ledri Vula, ka prezantuar ditën e sotme (e mërkurë) projektin e ri muzikor.

“Oj oj oj” mban titullin kënga e tij e radhës, të cilën e ka shoqëruar edhe me videoklip.

Protagoniste kryesore e videos është ish-banorja e Big Brother VIP Albania 2, Dea Mishel Hoxha.

Në klip shfaqen edhe dy aktorët e famshëm: Muhamed Arifi dhe Edon Bërveniku.

Nën drejtimin e Besian Durmishit, kjo tashmë ndodhet në platformën YouTube në kanalin zyrtar të Ledrit.

Producimi vlen të ceket se u bë nga Adea Kelmendi, e cila u kujdes edhe për ngjyrat e këtij projekti.

Besohet se ky projekt do pritet mirë e do të pëlqehet nga fansat e shumtë të reperit Vula.