Derisa liderët më të fuqishëm evropianë veç se ka disa orë që kanë nisur urimet ndaj Donald Trump, presidentit tashmë të zgjedhur të Shteteve të Bashkuara të Amerikës, kryeministri i Kosovës, Albin Kurti pak minuta më parë ka uruar atë.
Përmes një shkrimi në rrjetin social “X”, Kurti ka uruar Trumpin duke e etiketuar në postimin e tij.
Ai ka thënë se mezi presin të punojnë së bashku.
“Urime president Donald Trump në fitoren tuaj elektroale. ShBA është një aleat kyç, mik dhe partner i Kosovës dhe mezi presim të punojmë së bashku për progres dhe paqe.” – ka shkruar Kurti.
Ish-presidenti Donald Trump tashmë e ka siguruar numrin e nevojshëm të votave të Kolegjit Zgjedhor për t’u bërë fitues i zgjedhjeve presidenciale në Shtetet e Bashkuara.
Kur janë numëruar shumica e votave, sipas projeksionit të televizionit CNN, republikani ka 276 vota të Kolegjit Zgjedhor, gjashtë më shumë se minimuni i kërkuar për shumicë.
Congratulations President @realDonaldTrump on your electoral victory. The US is a key ally, friend and partner to Kosova and we look forward to working together for progress and peace.
— Albin Kurti (@albinkurti) November 6, 2024
