Kryetari i Kuvendit të Kosovës, Glauk Kojufva tha se nga Bashkimi Evropian pret standardet më të larta të politikës dhe etikës në politikë.

Kështu u shpreh Konjufca gjatë konferencës për medie duke iu referuar çështjes së dialogut mes Kosovës dhe Serbisë.

Madje Konjufca tha se përfaqësuesit e BE-së, Joseb Borrell dhe Miroslav Lajçak nuk janë duke vepruar sipas standardeve evropiane.

Sipas Konjufcës, ata po veprojnë sipas preferencave individuale dhe personale siç tha ai, duke favorizuar Serbinë në këtë proces.

“Ne nga Bashkimi Evropian presim standrdet më të larta edhe të politikës edhe të etikës në politikë edhe të gjithë kësaj që po mundohem me shpjegu. E sa i takon zotit Borrell dhe Lajçak, në këtë rast unë kam parë që ata thjeshtë nuk është se kanë vepruar vetëm sipas standardeve më të larta evropianë. Preferencat e tyre private dhe individuale kanë pasë ndikim të madh në mënyrën sesi e kanë formësuar ata dialogun. Dhe mendoj që njëra prej konsekuencave më të mëdhaja në këtë qasje ka qenë mendoj  unë, favorizimi i padiaskutueshëm i Serbisë në këtë proces negociatorë si dhe vendosja e Kosovës në një poyicion të pafavorshëm”, tha ai./Telegrami.co./