Kur kanë mbetur më pak se një muaj deri në fillimin e EURO 2024, selektori i Kombëtares së Shqipërisë, Sylvinho ende nuk ka publikuar listën e lojtarëve të ftuar për këtë kompeticion.
Në lidhje me këtë gjë, me komunikatë zyrtare ka dalë Federata Shqiptare e Futbollit, e cila ka bërë të ditur datën kur do të publikohet kjo listë.
Tekniku brazilian do të dalë në konferencë për shtyp dhe do të flasë për listën e lojtarëve.
“Lojtarët fillimisht do të grumbullohet në Shqipëri e më pas në fundin e muajit maj do të udhëtojnë drejt Austrisë. Kombëtarja ka edhe dy ndeshje miqësore në program, ndaj Lihtenshtejnit më 3 qershor në orën 20:00, dhe ndaj Azerbajxhanit më 7 qershor në orën 19:00”, ka njoftuar FSHF-ja.
Kujtojmë që Shqipëria gjendet në Grupin B, së bashku me Italinë, Spanjën dhe Kroacinë./GazetaPuls