Një zjarr i vogël në Prevallë më 5 gusht u shndërrua në një flakë masive që përfshiu sipërfaqe të mëdha malore.

Zjarri, i cili e vështirësoi punën për shkak të terrenit malor dhe temperaturave të larta, u lokalizua më në fund me ndihmën e helikopterëve të KFOR-it.

“Sot, stafi dhe helikopterët e Komandës Rajonale Lindore të misionit të KFOR-it të udhëhequr nga NATO ndihmuan në shuarjen e zjarreve në Prevalla, brenda komunës së Prizrenit. KFOR ofroi asistencë me kërkesë nga institucionet në Kosovë. KFOR vazhdon të zbatojë mandatin e tij,  për të kontribuar në një mjedis të sigurt dhe të qetë për të gjithë njerëzit që jetojnë në Kosovë, gjithmonë dhe në mënyrë të paanshme”, thuhet në deklaratën e KFOR.