Deputetja britanike Alicia Kearns është takuar në Britani me presidenten e Kosovës Vjosa Osmani.

Kearns përmes një shkrimi në rrjetin social Facebook ka thënë se është jetike për sigurinë në Ballkan dhe Evropë që të mos lejohen akterët armiqësorë të rindezin konfliktin në Kosovë.

“Gjithmonë kënaqësi të takohem me presidenten e Kosovës, Vjosa Osmani, për të diskutuar për sigurinë dhe stabilitetin në Ballkan dhe Evropë. Ajo është me të vërtetë një fuqi dhe është jetike që të mos lejojmë akterët armiqësorë ta rindezin konfliktin në Kosovë”, ka shkruar deputetja Alicia Kearns.

Presidentja Vjosa Osmani në Britani mori pjesë në Samitin e Komunitetit Politik Evropian.