Inspektorati Policor i Kosovës përmes një komunikate për media ka rekomanduar suspendimin e një zyrtare policore në Prishtinë, nën dyshimet për veprën penale “Kanosje”, shkruan Telegram News.

Informacionet e para lidhur me këtë rast hetuesit e IPK-së i kishin pranuar dje në orët e pasdites nga ankuesi fillimisht përmes telefonit, e që pas pranimit të informacioneve fillestare hetuesit e IPK-së kanë marrë një deklaratë nga ankuesi i cili ka përshkruar rrethanat e rastit.

Në njoftim thuhet se hetuesit e IPK-së në koordinim me prokurorin kanë ndërmarrë verimet hetimore, derisa rasti po trajtohet në procedurë të rregullt./Telegram News.