Nënkryetari i Lidhjes Demokratike të Kosovës (LDK), Lutfi Haziri ka thënë se qeveria aktuale la “bommba të kuridisura” në dialogun me Serbinë.
Haziri këtë e ka thënë referuar marrëveshjes së Brukselit dhe më pas asaj të Ohrit.
Ai në një intervistë për emisionin “Spotlight”, prodhim i Gazetës Online Reporteri.net, ka thënë se marrëveshja Kurti-Vuçiq është mundësi e humbur dhe marrëveshje e keqe për Kosovën. Ai u shpreh se me këtë marrëveshje Kurti i ka lënë probleme serioze Kosovës.
“Mundemi me thënë që është mundësi e humbur, është mandat i humbur gjatë këtij katër vjeçari sepse krejt çka do të kujtojmë dhe krejt çka ka me i mbetë Kosovës për këto katër vjet është marrëveshja e keqe Kurti-Vuçiq sepse është bë konkluzion, është bë qëndrim i të gjitha shteteve anëtare të BE-së”.
“Do të thotë Komisioni Evropian, Këshilli Evropian Parlamenti Evropian e kanë qëndrim në tavolinë dhe ka me u kushtëzu Kosova. Kosova ka ndërtu marrëdhënie me u kushtëzu, tani ky është kusht. Në anën tjetër, po Serbisë iu ka hapë kapitulli 35, që nënkupton raporti i fqinjësisë së mirë, fqinjësia e mirë është me Kosovën dhe atyre iu ka rihapë ai kapitull dhe e kanë një kusht, por është problem i tyre, jo i joni. Kjo është mundësi e humbur dhe marrëveshje e keqe. Në të dy pikat Kurti Kosovës i ka lënë problem serioz brenda”, është shprehur Haziri.
