Dega e Partisë Demokratike të Kosovës (PDK) në Lipjan organizoi një tubim elektoral me kandidatët për deputetë nga ky qytet, Rashit Qalaj, Hyzer Rizani dhe Majlinda Hajrullahu, për të diskutuar projektet e ardhshme për zhvillimin e Lipjanit.

Takimi, i cili u mbajt në restorantin “Luma Petrol”, u udhëhoq nga Shukri Buja, kandidati për kryetar të degës së PDK-së në Lipjan.

Në këtë tubim, kandidatët për deputetë shpalosën planet dhe projektet që kanë për Lipjanin, duke përfshirë përmirësimin e ekonomisë, realizimin e unazave rrugore, forcimin e sistemit shëndetësor dhe avancimin e infrastrukturës si rruga Banullë-Gjilan. Ata theksuan rëndësinë e bashkëpunimit me intelektualët dhe aktorët e tjerë lokalë për arritjen e këtyre synimeve.

Kandidatë për deputetë diskutojnë me intelektualët e Lipjanit në një forum që synon të pasurojë dhe avancojë programin e PDK-së, duke siguruar që projekte të rëndësishme për zhvillimin e qytetit të mbështeten nga të gjithë grupet e interesit.