Gjyqtarit nga Kosova, Genc Nuza i është besuar ndarja e drejtësisë në një ndeshje të Ligës së Konferencës, e vlefshme për raundin e dytë.

Gjatë javës së kaluar, UEFA i besoi dy katërsheve të gjyqtarëve nga Kosova ndarjen e drejtësisë në Ligën e Evropës.

Visar Kastratit gjykoi në ndeshjen e raundit të dytë të Ligës së Konferencës mes Zurichut dhe Shelbourne, ku u asistua nga Granit Hyseni dhe Besnik Morina, ndërsa gjyqtar i katërt do të jetë Valon Bajgora.

Në anën tjetër, Mervan Bejtullahut i është besuar ndeshja Banik Ostrava dhe Urartu, ku u asistua nga Lumturije Muhadri dhe Arbnor Bullatovci, ndërsa gjyqtar i katërt do të jetë Alban Shala.

Tani, FFK ka konfirmuar se një tjetër delegim i gjyqtarëve të Kosovës ka ndodhur për në raundin e dytë të ndeshjeve të Ligës së Konferencës.

Genc Nuzës i është besuar nga UEFA ndeshja e mes Slask dhe Riga, e cila do të zhvillohet në stadiumin “Miejski we Wraclawiu” të Wroclawit në Poloni.

Gjyqtarin Nuza do ta asistojnë Fatlum Berisha dhe Bujar Selimaj, ndërsa gjyqtar i katërt do të jetë Dardan Çaka.

Kjo ndeshje do të zhvillohet të enjten më 1 gusht me fillim në orën 20:30.