Ka filluar mbledhja e Kryesisë së Kuvendit, ku pritet të caktohet seanca e radhës plenare.

Në rend të ditës për shqyrtim janë pikat nga seancat e kaluara, ku përfshihen një numër i madh i projektligjeve dhe votimi për themelimin e Komisionit Hetimor parlamentar për procedurat e prokurimeve të negociuara pa publikim të njoftimit për kontratë, në ministri dhe në ndërmarrje publike qendrore.

Pas mbledhjes përfaqësuesit e partive parlamentare pritet të deklarohen për media.