Klubi futbollistik FC Prishtina ka njoftuar se ka lidhur bashkëpunim me gjigantin kroat, Dinamo Zagreb.
Kryesia e klubit nga kryeqyteti i Kosovës vizitoi Zagrebin, teksa qëllimi i vizitës ishte definimi i modaliteteve të bashkëpunimit në mes të GNK Dinamo dhe FC Prishtina.
Njoftimi i plotë i klubit, pa ndërhyrje:
Me organizim të udhëheqjes së klubit GNK Dinamo Zagreb, udhëheqësja e FC Prishtina, ka vizituar kryeqytetin kroat, Zagreb
Qëllimi i kësaj vizite ishte definimi i modaliteteve të bashkëpunimit në mes të GNK Dinamo dhe FC Prishtina.
Gjatë takimit me kryetarin e klubit, Velimir Zajec, Drejtorin Sportiv, Marko Mariç, të dy klubet u dakorduan me kushtet kornizë të bashkëpunimit, fokusi i të cilave do të jetë:
- Forcimi dhe zhvillimi i akademisë se futbollit të FC Prishtina, sipas modelit të zhvilluar dhe përpunuar nga GNK Dinamo Zagreb si dhe nën mbikëqyrjen dhe udhëheqjen e stafit profesional të akademisë se Dinamos;
- Sigurimi i trajnimeve profesionale të stafit të trajnerëve kosovar në akademinë e Dinamos
- Promovimi dhe zhvillimi i talenteve të FC Prishtina, me objektiv transferimin e tyre në GNK Dinamo Zagreb;
- Forcimi i skuadrës së parë “A” të FC Prishtina përmes huazimit të lojtarëve nga GNK Dinamo te FC Prishtina në sezonin vijuese;
- Ofrimi i ekspertizës dhe shërbimeve këshillimore për skuadrën e FC Prishtina në aspektin teknik, taktik, kondicional dhe ne aspektin e organizmit.
Në ditët pasuese pritet formalizimi i kësaj marrëveshje i cili do të pasohet me hapa konkret të realizmit të këtij bashkëpunimi.
