Pas largimit të Shefki Kuqit, Feronikeli 74 është në kërkim të një trajneri të ri.

Emra si Qëndrim Kida, Gani Sejdiu edhe Bylbyl Sokoli u përfolën për të marrë drejtimin e skuadrës nga Drenasi.

Megjithatë duket se ata kanë gjetur një trajner jo vendor.

Siç merr vesh TelegramNews, Giovanni Colella do të jetë trajner i ardhshëm i tyre.

58 vjeçari së fundmi ishte trajner i Partizanit të Tiranës.

Për gjashtë muaj, ai ishte në drejtim të skuadrës nga kryeqyteti shqiptar.

Zyrtarizimi i tij në krye të Feronikelit 74 tani është vetëm çështje kohe.