Policia ka njoftuar se në dy raste të ndara dy qytetare nga Ferizaji kanë gjetur para në rrugë dhe i kanë dorëzuar në stacion policor.
Në njoftimin në Facebook thuhet se në rastin e parë, qytetarja I.H ka gjetur një shumë te çarava në sheshin “Hyrë Emini” ndërsa në rastin e dytë F.M ka gjetur një shumë të parave në qytet.
“Me datën 21.08.2024 rreth orës 21:00, tek sheshi ‘’Hyrë Emini’’ në Ferizaj , qytetarja I.Hajredini ka gjetur një shumë të caktuar të parave dhe ato i ka dorëzuar në stacionin e policisë në Ferizaj. Me datën 28.08.2024, rreth orës 20:00 në Ferizaj, qytetarja nga Ferizaj F.Maloku ka gjetur një shumë të caktuar të parave dhe ato i ka dorëzuar në stacionin e policisë në Ferizaj”, thuhet në njoftim.
Policia kërkon që pronarët e parave të paraqiten në stacionin e Policisë në Ferizaj nga e hëna deri të premtën.
“Lusim pronarët e vërtetë të parave të humbura të paraqiten në stacionin e policisë në Ferizaj nga e hëna deri të premtën, prej orës 08:00-16:00 dhe ti tërheqin paratë e tyre të humbura”, thuhet tutje në njoftim. /TelegramNews/
