Britania ka vendosur sanksione ndaj zyrtarëve të lartë të Gjeorgjisë, në mesin e tyre edhe ndaj ministrit të Brendshëm. Kjo vjen si përgjigje pas rolit të tyre në shtypjen e protestuesve.

Individët do të përballen me ndalime udhëtimi dhe ngrirje të aseteve për “shkelje të të drejtave të njeriut”, tha Zyra e Jashtme, duke shtuar se sanksionet u vendosën në koordinim me Shtetet e Bashkuara, raporton BBC.

“Dhuna tronditëse e shkaktuar ndaj protestuesve, liderëve të opozitës dhe gazetarëve është një sulm i egër ndaj demokracisë”, tha ministri i Jashtëm, David Lammy.

Në Gjeorgji po mbahen protesta kundër vendimit të Qeverisë për t’i ndërprerë bisedimet për anëtarësim në BE.