Deputeti i Lëvizjes Vetëvendosje, Dimal Basha ka thënë se Dejona Mihalit Kosova ia ka parë hajrin dhe se ajo punon në të mirën e shtetit.
Basha tha se Dejona është koordinatore e komuniteteve të LVV-së dhe se ajo merret me koordinime mes palëve derisa shtoi se ajo është një grua punëtore.
“Dejona Mihali nuk më ka shkruar ndonjëherë fjalim sepse unë nuk shkruaj fjalime. Dejona është koordinatore e komuniteteve të LVV-së dhe ne kemi ekspert nga komunitetet që trajtojnë probleme të fushave dhe për punë të energjisë e ka grupin që duhet të koordinohen dhe me këto koordinime merret Dejona. Është një grua jashtëzakonisht punëtore, është një prej grave më punëtore dhe vazhdon me ndihmu subjektin në të gjitha format e mundshme. Mendoj që shteti i Kosovës gjthmonë ia ka pa hajrin se ajo punon në të mirë të shtetit”, tha ai në emisionin “DPT te Fidani”.