Policia e Kosovës ka njoftuar se një vajzë e mitur dhe një 23 vjeçar janë arrestuar të martën në Mitrovicë si të dyshuar për kryerjen e veprës penale “grabitje”.
Në njoftim thuhet se rasti ka ndodhur me 26 nëntor rreth orës 18:15 në rrugën “Mulliri i vjetër”, ku viktimës i ishin grabitur një sasi e të hollave dhe një orë dore me vlerë të konsiderueshme.
Po ashtu bëhet e ditur se e mitura pas intervistimit me vendim të prokurorit është liruar në procedurë të rregullt, ndërsa i dyshuari F.H. është dërguar në mbajtje.
Me datën 26.11.2024 rreth orës 18:15 ne Rr,,Mulliri i vjetër “,Mitrovicë Jug kishte ndodhur një rast ,,Grabitje”, ku viktimës i ishin grabitur një sasi e të hollave dhe një orë dore me vlerë të konsiderueshme. Si rezultat i hetimeve të zhvilluara nga ana e hetuesve të Sektorit Rajonal të Hetimeve DRP Mitrovicë Jug, me datë 03.12.2024, kanë arritur që ti identifikojnë dhe arrestojnë dy persona të dyshuar të përfshirë në rastin e grabitjes. Mbi dyshime të bazuara dhe provave të siguruara, sot me datën 03.12.2024, në orët e paradites është arrestuar e dyshuara e parë e moshës së mitur e cila pas procedurës së intervistimit, me vendim të prokurorit të rastit është liruar në procedurë të rregullt. Ndërsa në orët e pasdites është arrestuar edhe i dyshuari i dytë F.H.,23 vjeçar, shtetas i Kosovës, të cilit pas procedurës së intervistimit, me vendim të prokurorit i është caktuar masa e ndalimit policor”, thuhet në njoftimin e Policisë.
