Asociacioni i Gazetarëve të Kosovës – AGK, ka reaguar ndaj thirrjeve të sotme të presidents, Vjosa Osmani e cila i ka bërë thirrje organeve të sigurisë dhe të drejtësisë që të hetojnë mediat pas publikimit të lajmit rreth vrasjes së një personi mbrëmë në Ferizaj.
AGK përmes një reagimi këto thirrje të Osmanit i ka cilësuar si precedent të rrezikshëm dhe të papranueshëm, shkruan TelegramNews.
“Një një postim publik sot, Presidentja në së paku dy raste u bën thirrje, si organeve të sigurisë edhe atyre të drejtësisë, që të hetojnë median në fjalë, pas publikimit të një lajmi rreth vrasjes së një personi mbrëmë në Ferizaj. Për më tepër, akuza e përsëritur se mediat punojnë për Serbinë, është e papranueshme, dhe më e rrezikshme kur vjen nga kreu i shtetit’, thuhet në reagim.
Derisa AGK-ja, e ka ftuar presidenten Osmani që për pakënaqësitë eventuale me raportimin t’i drejtohet me ankesë Këshillit të Shkruar të Mediave të Kosovës.
