Një ndërprerje zjarri midis Izraelit dhe grupit militant libanez Hezbollah “është shumë afër”, i tha dje një burim rajonal CNN.

Sipas Ministrisë së Shëndetësisë Libaneze, më shumë se 3,000 njerëz janë vrarë në sulme izraelite që nga mesi i shtatorit, duke theksuar më tej urgjencën e arritjes së një marrëveshje armëpushimi, transmeton Telegram News.

Burimi rajonal sugjeron kështu që marrëveshja është më afër se kurrë, por ende nuk ka pajtim plotësisht ende. Zyrtarët amerikanë dhe izraelitë paralajmërojnë se ndërmjetësit ende nuk kanë marrë dritën e gjelbër. “Ne po lëvizim në atë drejtim, por ka ende disa çështje që duhet të adresohen,” i tha zëdhënësi i kryeministrit izraelit Benjamin Netanyahu CNN.

Sipas CNN, Hezbollah ka shqyrtuar një propozim amerikan-izraelit për një pushim 60-ditor në luftime ditët e fundit, të cilin disa besojnë se mund të shërbejnë si bazë për një armëpushim të përhershëm.

Paralajmërim i Izraelit

I dërguari amerikan Amos Hochstein po zhvillon bisedime me zyrtarë rajonalë këtë javë për të provuar të arrijë një marrëveshje. Të dielën, analisti i CNN dhe gazetari i Axios Barak Ravid cituan një burim duke thënë se Hochstein i tha ambasadorit izraelit në Uashington të shtunën se ai do të tërhiqte ndërmjetësimin e tij nëse Izraeli nuk do t’i përgjigjej pozitivisht propozimit të armëpushimit në ditët e ardhshme.

Më herët të dielën, një zyrtar izraelit i tha CNN se Netanyahu kishte mbajtur konsultime të sigurisë në lidhje me propozimet e armëpushimit. /TelegramNews/