SHBA-të po lëvizin drejt zgjerimit operacional të rritjes që po cilësohet si sigurisë kombëtare amerikane duke qenë në harmoni me sigurinë botërore.

Presidenti që sapo mori mandatin e dytë në Shtëpinë e Bardhë Donald Trump, ka lansuar disa kërkesa si interesa strategjike amerikane të cilat i ka premtuar t’i bëjë realitet pronësor të shtetit: Kanalin e Panamasë dhe ishullin e Grenlandës që ka shumë sipërfaqe dhe pak banorë.

Së fundmi Sekretari  amerikan i Shtetit Marco Rubio deklaroi se interesimi i presidentit amerikan Donald Trump për të bërë Grenlandën pronë amerikane”nuk është shaka”.

Ai në një intervistë për Megyn Kelly Show Sirius XM, theksoi se Trump ka shprehur interesimin që Grenlanda të bëhet pjesë e SHBA-së qe nga rizgjedhja e tij në nëntor.

“Nuk ka të bëjë me fitimin e një vendi për të marrë tokë. Është interesi ynë kombëtar dhe kjo duhet të zgjidhet,” tha ai duke shtuar se “kjo nuk është një shaka.”

Rubio tha se Arktiku do të bëhet një rrugë e rëndësishme detare dhe se Shtetet e Bashkuara duhet të jenë në gjendje ta mbrojnë. Ai paralajmëroi që Kina mund të kërkonte të zhvillonte praninë e saj.

SHBA-të janë vënë pas Grenlandës pasi shkrirja e akullnajave ka shkuar me temp përshpejtimi duke thyer parashikimet diversitare nën ndikimin e ngrohjes globale që po e shndërron ishullin sa një e katërta e sipërfaqes së SHBA-së në tokë të pasur minerare

I pyetur nëse SHBA do ta marrin Grenlandën brenda katër vjetësh, Rubio tha se “nuk janë ende në gjendje të flasin se si saktësisht do të vazhdojnë në mënyrë taktike”.

“Ajo për të cilën mund të jeni të bindur është se për katër vjet interesi ynë për Arktikun do të jetë më i sigurt,” shtoi ai.

Kujtojmë, kryeministri i Grenlandës Mute Egeda, i cili rriti një nxitje për pavarësi, ka thënë vazhdimisht se ishulli nuk është në shitje dhe se qytetarët e tij duhet të vendosin për të ardhmen e tyre./Telegram News