Nënkryetarja e PDK-së, Besiana Musmurati, ka deklaruar se fushata e partisë së saj po shikohet me entuziazëm dhe mbështetje nga qytetarët në të gjithë Kosovën.
Në Debat Plus, ajo ka theksuar se takimet me qytetarët po japin rezultate pozitive dhe se shumë prej tyre janë të hapur për ofertën programore të PDK-së.
“Fushata jonë ka puls, kudo që po shkojmë po takojmë qytetarë nga sfera të ndryshme, që po na mbështesin dhe interesohen për programin tonë. Disa ende janë të pavendosur, por ata kanë mendjen e hapur dhe janë të gatshëm të dëgjojnë ofertat tona për përmirësimin e jetës së tyre”, ka deklaruar Musmurati.
Ajo ka potencuar se PDK-ja është në rrugën e duhur për të arritur një rezultat fitues në zgjedhjet e 9 shkurtit, duke shtuar se ka ende kohë dhe se do të vazhdojnë me intensitet fushatën për të siguruar mbështetje të mëtejshme.
