Kandidatja për deputete nga Partia Demokratike e Kosovës, Besianë Musmurati tha se kandidati për kryeministër, Bedri Hamza është personi më kredibil për këtë pozitë.
E pyetur se sa mundet PDK-ja me ofru ndryshimin, Musmurati shpjegoi arsyet ku nënvizoi se slogani i PDK-së ka rëndësi për qytetarët që ofron stabilitet.
“Pak a shumë kjo është arsyeja pse slogani jonë është “Kosova mundet ma mirë” edhe kjo është arsyeja kryesore pse kornizat e fushatës tonë janë korniza pozitive të cilat vazhdimisht nëpër studio televizive e shoh që kritikohen, në fakt në thelb mendoj se për qytetarin ka rëndësi shumë stabiliteti, ka rëndësi që e kemi një kandidatë për kryeministër, i cili është “i vetmi i rritur në dhomë”. Kshtu që e kemi një kandidatë i cili është stabil, është ekspert i ekonomisë dhe problemet kryesore që i kemi në shoqëri janë problemet ekonomike prandaj edhe z.Hamza është personi më kredibil për me i zgjidhë ato probleme. E kemi një person të besës që sot është kryetar i Mitrovicës dhe është kryetari i vetëm që ka 92 përqind premtime të realizuara dhe ende e ka edhe një vit punë”, tha ajo.
“Vlera e shtuar e PDK-së, konkurrueshmëria të cilën e kemi edhe si listë zgjedhore ku kemi ekspert të jashtëzakonshëm të fushave të ndryshme”, shtoi Musmurati.
