Lidhja Demokratike e Kosovës (LDK), është partia me e rritur sipas sondazheve dhe imazhit  reflektues të kreut të kësaj partie Lumir Abdixhiku me simpatizantët dhe votuesit.

LDK, fuqishëm po e rikthen në gjirin e vet elektoratin e humbur që kishte kaluar te Vetëvendosja, pas daljes së ish-kandidates për kryeministre të Kosovës Vjosa Osmani  nga kjo parti që iu bashkua Albin Kurtit duke formuar  listën “Guxo”.

LDK në një dinamikë politike që nuk ka qenë  në traditën e kësaj partie, ka avancuar vazhdimisht me prurje të reja që nga ardhja e Lumir Abdixhikut në krye të saj dhe sondazhet nxjerrin se LDK ka kthyer rreth 80 mijë votues tek partia.

Analisti Baton Haxhiu ka saktësuar më shumë rrjedhën e procesit elektoral përmes një sondazhi që zbulon rritjet e partive me aderime  ku tha tha të martën se “Lidhja Demokratike e Kosovës është partia që është rritur më së shumti në përqindje në sondazhe.

Të themi kështu, troç, nga pika ku kanë qenë, numrin e përqindjes e ka rritur më së shumti LDK-ja”, tha Haxhiu në “Pressing”.

Ai tha ndër tjerash se ky sondazh nxjerr rezultat “të përafërt” me zgjedhjet parlamentare të vitit 2019. Atëherë, LVV-ja dhe LDK-ja kishin një diferencë shumë të vogël votash.

“Lidhja Demokratike e Kosovës i ka pasë 12.8% të votave – përgjysmim i elektoratit”, tha ai.

Ai kujtoi gjithashtu se “Vetëvendosja i ka pasë 420 mijë vota në zgjedhjet e kaluara”, ndërsa tha se mbi 100 mijë i kishte marrë nga tri partitë opozitare tash.

“Realisht shikojeni se sa vota ka marrë nga Lidhja Demokratike dhe nga Partia Demokratike. 78 mijë janë LDK, 35 mijë janë PDK, 12 mijë janë prej AAK-së”.

PDK, ka shtrirë aktivitetin në terren drejt ristrukturimit të  partisë me simpatizantë dhe rikthimin e elektoratit tradicional.

Në PDK, fitoren e mbështesin në kandidatin më të fuqishëm për kryeministër të vendit Bedri Hamza, i cili po shihet nga qytetarët si  kandidati më me përvojë institucionalë, më i pa korruptuari dhe më i sinqerti për rritje të mirëqënjes sociale të qytetarëve.

Analisti Blerim Burjani: Pritet rënie e interesimit për zgjedhje

Analisti Blerim Burjani ka folur  rreth  zgjedhjeve të 9 shkurtit duke thënë se “Lëvizja Vetëvendosje, është në gjendjen më të vështirë. Nuk ka aderime të reja, as lëvizje tjera! Pra, partia në pushtet mund të ballafaqohet me befasi të mëdha në zgjedhjet e 9 shkurtit. VV tek elektorati prezanton vetëm Kurtin dhe asgjë tjetër. E tërë fuqia zgjedhore mbështetet në një njeri.

Lista e deputetëve : Në LDK s’ka asgjë të re përveç hyrjes së disa njerëzve pa ndikim në elektorat, por edhe jo seriozë. Lista është e përbërë nga njerëz të vjetë që nuk ka nevojë të flitet  për ta, si njerëz të cilët nuk kane sjellë asgjë në Kuvend për shumë vite. As në PDK s’ka emra eminentë që kanë aderuar, vetëm disa persona që nuk përfaqësojnë dicka të veçant në PDK, perveç numër në listë si të parëndësishëm”, ka shkruar në një postim në Facebook analisti Blerim Burjani./Telegram News