Spektakli i sotëm i Big Brother VIP Kosova u shoqërua me tensione dhe diskutime të shumta, ku në qendër të vëmendjes ishte një incident që lidhej me një fotografi të banorës Lela, e cila u bë virale në rrjetet sociale.

Teksa Jonida Vokshi po moderonte bisedën, Milaim Zeka e ndërpreu për të dhënë sqarimin e tij lidhur me fotografinë, e cila ishte shpërndarë nga llogaria e tij në Instagram.

Me seriozitet, ai u shpreh se postimi nuk ishte bërë nga ai personalisht, duke theksuar se rrjetet e tij sociale menaxhohen nga dikush tjetër për shkak të mungesës së tij të aftësive teknologjike.

Teksa Jonida flet, Milaimi thotë: “Hera e parë në jetë që po të ndërpres, a e di pse? Përpos që po produksioni ka futë në lajthitje dhe më kanë akuzuar dhe më ka vendosur lloj-lloj epitetesh, nuk dua të dal sonte në Prime jashtë vetes sime dhe të vazhdojë biseda pa e ditur Lela të vërtetën, kur e di të vërtetën, kush do le të flasë çfarë të dojë. Përndryshe në qoftë se dikush tenton të bëjë Big Brother në kurrizin tim, të më vendosin epitet kurrë nuk e lejo. Dhe mjaft është bërë abuzim me këtë fotografi nga ana e produksionit”.

Jonida më tutje thotë se ajo fotografi ka qenë e postuar nga ti.

Milaimi shprehet: “Kjo është rrenë sa je e madhe”.

Ndërsa Alaudini thotë se ajo fotografi ka qenë e publikuar me faqe zyrtare të Milaimit.

Ndërsa Milaimi vazhdon të thotë se ajo ishte rrenë dhe se nuk lejon askënd të abuzojë me emrin e tij.

Më pas Milaimi i tregon Lelës se ajo fotografi ka 4 javë që po qarkullon nëpër rrjete sociale dhe para disa dite dikush e ka dërguar dhe unë që jam totalisht idiot Intagramit, personi që bën mbikqyrje “Collab” e ka pranuar dhe brenda disa minutave nga rrjetet e mia është zhdukur. E falënderoj familjen tënde që ka dalë në mbështetjen time. Më pas Milaimi i kërkon falje Lelës.