Në adresimin e saj para deputetëve të Kosovës, Presidentja Vjosa Osmani, ka atakuar kryeministrin Albin Kurti në dy segmente ekzekutive, si tema kryesore që garantojnë sigurinë e vendit dhe procesin e integrimit të Kosovës.
Presidenja Osmani në adresimin e sotëm para Kuvendit dhe qytetarëve ka pranuar gabimet e Kurtit rreth Asociacionit dhe prishjen e raporteve me aleatët.
Me dy pranime të gabimeve që Kurti është marrë gjatë gjithë mandatit qeverisës, Presidentja ka lënë të kuptohet se po fillon rrugën e balancimit politik mes pozitës aktuale dhe opozitës.
Psehu i kësaj “rrëshqitje” të Presidentes kah opozita dëshmon se ajo po synon të akumulojë poena politikë për vazhdimin edhe të një mandati në krye të shtetit, duke qenë se në mesin e LDK-së i ka votuesit mbështetës sikur i kishte në ditën kur ishte votuar më 4 prill të vitit 2021 kur 71 deputetë të Kuvendit të Republikës së Kosovës në mesin e të cilëve edhe LDK, votuan për emrimin e Vjosa Osmani-Sadriu, presidente .
Në adresimin e sotëm para Kuvendit, Presidentja e ka matur me gramë fjalimin duke u ndalur diku në mes të Kurtit dhe opozitës, për të mos e këputur perin e pushtetit në varësi të qeverisë që do të del nga zgjedhja e 9 shkurtit të vitit 2025.
Pas seancës plenare të adresimit vjetor të Presidentes, deputeti i pavarur Haki Abazi ka shfrytëzuar rastin t’i quajë me zë të lartë në Kuvend deputetët e LVV-së me fjalën “Hajna, ktheni paret”./Telegram News
