Rrjeti i organizatave të Shoqërisë Civile për Arsimin Parauniversitar (ROSCAP) i ka shprehur “shqetësimin dhe indinjatën më të thellë për papërgjegjësinë dhe qasjen e përfaqësuesve politikë në Kosovë”, të cilët, sipas këtyre organizatave, “po përdorin fëmijët dhe arsimin si mjete për përfitime të përkohshme elektorale”. Sidoqoftë, në reagimin e tyre vërehen nëntë gabime elementare drejtshkrimore.

Emri “të vërtetën” është shkruar gabimisht – “të vertetën”.

Mbiemri “e rrezikshme” është shkruar gabimisht – “e rrëzikshme”.

Folja “iniciuar” është shkruar gabimisht – “inicuar”.

Emërtimin e institucionit të Ministrisë së Arsimit e kanë shkruar me shkronja të para të vogla, pa “ë” në emrin e parë – “ministrine e arsimit”.

Përsëri, folja “iniciua” është shkruar gabimisht – “inicua”.

Numërori “të tria” është shkruar gabimisht – “të trija”.

Mbiemri “zhgënjyese” është shkruar gabimisht – “zhgenjyese”.

Mbiemri “të lartcekura” është shkruar gabimisht – “të lartëcekura”.

Mbiemri i emërzuar “të njëjtit” është shkruar gabimisht – “të njejtit”.