Deputetja e Lidhjes Demokratike të Kosovës, Hykmete Bajrami, ka dalë kundër kurrikulës për Edukim Seksual dhe Shëndet Riprodhues, duke e quajtur skandal të Qeverisë Kurti.

Bajrami në një postim në Facebook ka thënë se ministrja e Arsimit, Arbërie Nagavci nuk duhet të jetë pjesë e institucioneve dhe duhet të “shkojë në shtëpi”.

Ndërsa për Kurtin, Bajrami ka thënë se ai duhet të kërkojë falje familjeve kosovare për dërgradim të arsimit.

“Arbërie Nagavci s’duhet të lejohet që të jetë pjesë e institucioneve, ajo duhet të shkoj në shtepi. Kurti duhet me i kërku falje secilës familje në Kosovë që e ka dëgradu arsimin në këtë pikë. Ministrja e Arsmit dhe Kryeministri duhet të ndëshkohet me votë për këtë skandal”, tha ajo.