Tre nga katër personat e lënduar në Ferizaj që janë therur me thikë, janë duke u trajtuar në Klinikën Emergjente në QKUK.

Drejtori i kësaj klinike, Naser Syla tha për Telegram news se njëri nga të lënduarit është një 10-vjeçare dhe se është në gjendje të rëndë, e cila është duke u trajtuar, kurse dy të tjerët janë në gjendje stabile.

“10 vjeçarja e lënduar është në gjendje të rëndë dhe ndodhet në sallë të operacionit”, tha Syla.

Ndërsa Policia ka bërë të ditur se katër persona janë therë me thikë në tri rrugë të ndryshme nga një person afër orës 16:00.

I dyshuari për këtë rast është arrestuar.