Gjykata Themelore në Ferizaj ka caktuar masën e paraburgimit prej një muaji për personin i cili ka nxitur dy të mitur për ta djegur një veturë.

Përmes një komunikate për media, thuhet se gjyqtarja e procedurës paraprake e ka vlerësuar se ekziston dyshimi se më 24 tetor në Ferizaj, me dashje i ka shtytë dy të rinjtë që të kryejnë veprën penale “zjarrëvenia”.

“I dyshuari i mllefosur me A.D. “në lidhje me sjelljen e tij ndaj të dashurës së të pandehurit, shtytë të miturin (2), që për çmimin prej 1.000 €, të vë zjarrin veturës së të dëmtuarit, kështu që të miturit rreth orës 03:26 në parkingun e qendrës tregtare në Ferizaj, i mituri me një çekan e thenë dritaren e derës së veturës së të dëmtuarit, e pastaj i mituri (2) hedh benzinë në brendi të veturës dhe i`a vë flakën, e cila dëmtohet tërësisht, vlera e dëmit të shkaktuar është rreth 19.000 €”, ka njoftuar Gjykata”, thuhet në njoftim.

Ndërkaq sot, Prokuroria Themelore në Ferizaj ka kërkuar nga Gjykatë Themelore caktimin e masës së paraburgimit në afat prej 30 ditësh, ndaj personit të lartëpërmendur për veprën penale “zjarrvënie”.

Përmes një komunikate për media, thuhej se ekziston dyshimi i bazuar se më 24 tetor në Ferizaj, ky i fundit me dashje kishte shtyrë dy të mitur që të digjnin veturën e dikujt me të cilin ishte i mllefosur.

Po ashtu, u bë e ditur se u ka ofruar 1000 euro dy të miturëve për t’ia vënë zjarrin veturës së të dëmtuarit.