Brenda pak orësh, anija kozmike Europa Clipper do të niset nga Florida në kërkim të shenjave të jetës në Europa, një hënë misterioze e Jupiterit. Nën sipërfaqen e saj të akullt mund të fshihet një oqean i madh me dyfishin e ujit të Tokës.

Ky mision, që do të ndiqet nga një mision evropian i vitit të kaluar, pritet të ndihmojë në ndryshimin e njohurive tona mbi jetën në sistemin tonë diellor, shkruan BBC, transmeton Telegram News.

Europa është e vendosur 628 milionë kilometra nga Toka dhe shkëlqen pesë herë më shumë se hëna jonë për shkak të akullit që reflekton dritën.

Përgatitjet për nisje u vonuan nga uragani Milton, por tani anija është e gatshme të niset më 14 tetor.

Shkencëtarët shpresojnë që instrumentet e Clipper do të hartojnë hënën dhe të mbledhin informacione mbi përbërësit që mund të mbështesin jetën.

Nëse Europa vërtet mbështet jetë, kjo do të nënkuptonte se jeta mund të jetë më e zakonshme në univers.

Anija do të kalojë afër Europës rreth 50 herë, duke u ekspozuar ndaj rrezatimit të madh, dhe pritet të arrijë në vitin 2030. Shkencëtarët shpresojnë se do të kenë mundësi të zbulojnë më shumë mbi potencialin e jetës atje. /TelegramNews/