Çmimet globale të ushqimeve u rritën me 3% në shtator, sipas FAO, duke shënuar rritjen më të madhe në 18 muaj.

Krahasuar me vitin e kaluar, çmimet janë rritur me 2.1%, por janë 22.4% më të ulëta se kulmi i marsit 2022.

Çmimet e mishit u rritën me 0.4%, drithërave me 3%, qumështit me 3.8%, vajit vegjetal me 4.6% dhe sheqerit me 10.4%.

Rritja e çmimit të sheqerit lidhet me shqetësimet për disponueshmërinë globale për sezonin 2024-25, për shkak të kushteve të pafavorshme të motit në Brazil që ndërlikuan kultivimin e kallam sheqerit.