Territori i Shqipërisë është përfshirë nga reshje të shumta shiu, me intensitet më të lartë në Shkodër, Kukës, Dibrë, Tiranë dhe Vlorë, që do të vazhdojnë gjatë fundjavës.

Në Lezhë dhe Durrës ka probleme me përmbytje, sidomos në Lezhë, ku sistemi i kanalizimeve ka dështuar, duke shkaktuar mbulimin e disa rrugëve.

Në Tiranë, pavarësisht reshjeve intensive, nuk ka raportime për dëme, dhe emergjencat civile janë në gatishmëri.

Grupi i emergjencës po punon për normalizimin e situatës. Në Lezhë, kanalizimet po funksionojnë, dhe lëvizja vazhdon pa probleme të mëdha.