Kryeministri i Kosovës Albin Kurti, është lavdëruar para studentëve amerikanë për kontrollin e veriut nga Qeveria e tij. Në një ligjëratë para studentëve ai ka thënë se Kosova i ka thyer bandat kriminale serbe në veriun e vendit .
Profesiori universitar Blerim Burjani ka kundërshtuar idenë e Kurtit rreth këtij deklarimi të bërë në SHBA duke thënë:
“Jo plotësisht, arsimi dhe shëndetësia ende udhëhiqen nga vet Serbia. Spitalet punojnë të pa licencuara nga Institucionet, Universiteti paralel gjithashtu. Kurti për momentin e ka fituar betejën kundër këtyre strukturave nëse mundet me mbajt kështu dhe me bashkëpunuar me BE-në dhe SHBA-në për të hartuar një plan për integrim të serbëve të Kosovës, atëherë mund të cilësohet si fitore e Kurtit.
Kurti para studentëve amerikanë ka thënë se Kosova nuk ndjen frikën nga institucionet paralele të Serbisë në Kosovë.
Ndër të tjera Kurti ka thënë se “serbët e Kosovës janë çliruar nga strukturat paralele të Serbisë në Kosovë”.
Në Varshavë, Kurti shpreh frikën nga Serbia
Në Forumin e Sigurisë në Varshavë kryeministri ka shprehur frikën e rrezikut nga Serbia.
Diskutimet kryesore të forumit përfshijnë sigurinë rajonale dhe evropiane, si dhe bashkëpunimin midis partnerëve demokratikë dhe perëndimorë.
Gjatë procesit të mbajtjes së forumit , Kurti takoi ministren e Punëve të Jashtme të Letonisë, Baiba Braže, ndihmës sekretaren amerikane të Mbrojtjes për Çështje Ndërkombëtare të Sigurisë, Celeste Wallander, si dhe me përfaqësues të lartë të administratës amerikane, përfshirë ambasadorin Michael Carpenter dhe kongresistin Jason Crow.
Në kuadër të temës “Fokusi në Ballkanin Perëndimor: Ndërlidhja mes Gjeopolitikës dhe Integrimit Evropian”, Kurti tërhoqi vërejtjen e rreziqetku të Kosovls nga Rusia dhe Serbia,port ha se këtl rrezik e ndjen gjithë rajoni evropian.
Në Kosovë Kurti paralajmëron mundësi sulmi nga Serbia
Kryeministri Kurti disa herë kohët e fundit ka paralajmëruar sulme të mundshme te Serbisë në Kosovë.
Paralajmërimet e Kryeministrit për luftë në Kosovë kanë ndikuar negativisht në proceset ekonomike të vendit duke i larguar investitorët nga vendi.
Ajo që i dallon këto ligjërime jashtë Kosovës, është fakti se në të tria këto raste, kryeministri ka përdorur gjuhë të ndryshme rreth sigurisë në Kosovë./Telegram News
