Shefi i Grupit Parlamentar të Lidhjes Demokratike të Kosovës, Arben Gashi, ka reaguar pasi sot në Prokurorinë Speciale është intervistuar Koordinatorja e Lëvizjes Vetëvendosje, Dejona Mihali.

Gashi në reagimin e tij në Facebook ka shkruar se “krimi ka emër”.

Ndryshe, intervistimin e Mihalit e ka konfirmuar edhe Prokuroria Speciale e Kosovës.

“Prokuroria Speciale informon se sot, Dejona Mihali, është paraqitur në Prokurorinë Speciale me ftesë të kësaj prokurorie. E njëjta është duke u intervistuar në cilësinë e dëshmitares për disa çështje penale, të cilat kjo prokurori i ka në hetim”, thuhet në njoftimin për media.