Mëngjesin e së enjtes, ultësirat do të kenë mjegull.

Gjatë ditës, moti do të jetë i ngrohtë dhe kryesisht me diell, por në mbrëmje, vransirat do të shtrihen në perëndim, duke sjellë mundësi për ndonjë rigë shiu.

“Temperaturat minimale do të jenë nga 10°C deri në 13°C, ndërsa maksimalet do të arrijnë 26°C deri në 27°C. Frynë erë e lehtë nga jugperëndimi”, kështu ka thënë Mendim Rugova në T7.

Ditën e premte priten rrebeshe shiu që mund të shoqërohen me bubullima, ndërsa temperaturat do të zbresin në 20°C. Rrebeshe shiu do të vazhdojnë edhe gjatë fundjavës, me temperatura që do të bien në 15°C dhe 12°C maksimalet, dhe minimalet në 7°C.

Në vise të larta, reshjet e shiut do të përzihen me dëborë. Të hënën, reshje lokale shiu mund të vazhdojnë, por do të ketë gjithashtu intervale me diell.