Plas skandali te Kombëtarja e Kosovës, aty ku zhvillime dramatike po zhvillohen së fundmi.

Edon Zhegrova, Arjanet Muric dhe Florent Muslija janë përjashtuar nga grumbullimi me vendim të selektorit, Franco Foda dhe FFK-së.

Lajmi është bërë i ditur nga Federata e Futbollit të Kosovës përmes një komunikate të lëshuar për media.

E pas reagimit nga nga Muric, tani edhe Edon Zhegrova ka thyer heshtjen përmes një postimi në rrjetet sociale.

“Përshëndetje të gjithëve. Këto janë lajme të pavërteta dhe pa fakte. Do të flas në fushë, shihemi së shpejti”, ka shkruar Zhegrova.

Ndryshe, Kosova tashmë ka udhëtuar drejt Qipros për përballjen e neserme.