Ka përfunduar ndeshja mes Kosovës dhe Rumanisë.

“Dardanët” pësuan humbje nga Rumania me rezultat 0:3.

Pjesa e parë u nis fuqishëm nga lojtarët tanë, mirëpo ishin rumunët që shënuan.

Deniss Man realizoi në minutën 40-të mas disa driblimesh të mira nga ai.

Kësisoj edhe u mbyll pjesa e parë.

Qysh në pjesë të dytë, në minutën e 51-të u shënua sërish gol nga rumunët.

Razvan Marin realizoi nga penalltia e shkaktuar nga Valon Berisha.

E për rezultatin përfundimtar u përkujdes Denis Dragus i cili shënoi për 3:0.

Deri në fund, pavarësisht rasteve, gola më nuk pati.

Kosova e nisi në mënyrën më të keqe të mundshme kampanjën në Ligën e Kombeve.